Í dag reyndi á styrk Vináttuhlauparanna, þar sem lítið var um þátttakendur ef frá eru taldir þeir fjölmörgu fuglar sem flugu með okkur. Vegalengdin var umn íutíu kílómetrar og áttum við ekki í erfiðleikum með það í þessu frábæra veðri, sól og blíða og nær enginn vindur!

Við byrjuðum daginn á því að hlaupa frá Reykjahlíð út fyrir Mývatn. Eins og myndirnar bera með sér var veðrið ótrúlegt og naut nátttúrufegurðin sín til fullnustu. Strákarnir byrjuðu daginn meðan stelpurnar fóru og skoðuðu sig aðeins um og kíktu meðal annars á Goðafoss.

Við hittum nokkra ferðalanga sem langaði til að hlaupa spotta með okkur og var það að sjálfsögðu auðsótt mál. Það er skemmtilegt hvað þetta eru alltaf sjálfsprottin augnablik þegar ferðalangar koma fram á Vináttuhlaupið og biðja um að fá að taka þátt. Þá er það hjartað sem ræður för.

Er við komum til Akureyrar kvöddum við þrjá hlaupara úr hópnum, þá Andrés, Davíð og Víði sem héldu til Reykjavíkur í dag. Við slógum þessu upp í litla veislu og fengum okkur ís til að kveðja félaga okkar.

Í sárabætur fáum við svo ferska hlaupara á morgun, þá Ágúst, Brynjar og Upajukta sem ætla að hlaupa með okkur það sem eftir er.

---

Distance: 94km

Harmonemail:
You can send a message to the runners or read the messages.

< Iceland 22 July < Slovakia 22 July < Ísland 22. júlí

Iceland 24 July > Slovakia 24 June > Ísland 24. júlí >

Iceland 23 July Slovakia 23 July