Allt í hnút

6 til 10 börn safnast saman í hóp. Einn til tveir standa fyrir utan hópinn og bíða. Þeir kallast aðstoðarmenn.

Staðið er í hring og svo ganga allir inn í miðjan hringinn þar til allir eru komnir í eina hrúgu. Gæta verður að því að ekki þrengi að neinum. Allir taka síðan í hönd þeirra sem næstir eru með sitthvorri hendi. Nú er búið að mynda einn stóran hnút. Ef börnin eru ekki nógu flækt, þá má kennarinn færa þau til í meiri hnút.

Síðan á að losa um hnútinn án þess að rjúfa keðjuna og reyna að enda aftur í hring án þess að sleppa hendinni af félögum sínum.

Aðstoðarmennirnir munu hjálpa til við að losa hnútinn, og því er nauðsynlegt að hlusta á leiðbeiningar þeirra. Allir þurfa því að vinna saman til að geta fært sig til og losað flækjuna og myndað hring. Verið þolinmóð, annars slitnar keðjan.

Eftir að búið er að mynda hring, þá er allt í lagi þó sumir snúi fram og aðrir aftur í hringnum, en ef það er of erfitt að mynda hring þá má reyna að mynda beina línu. Ef einhver verður óþolinmóður þá mega aðstoðarmennirnir beita svokallaðri hnútastyttingu með því að rjúfa keðjuna á einum stað og setja hana saman á öðrum til að auðvelda aðeins.

Við erum öll tengd.

Þegar búið er að leysa hnútinn er tekið hlé og rætt um þessa reynslu og tilgang þessa leiks.
Allir tengjast, þess vegna verða allir að vinna saman til að leysa vandamálin.
Í daglegu lífi eru hendur manna ekki bundnar saman, en hver og einn er samt hluti af einni stórri alheimsfjölskyldu. Á sama hátt og það tókst að vinna saman til að leysa þennan hnút, þá þarf alheimsfjölskyldan að vinna saman til að leysa vandamál heimsins.