Veðurguðirnir bænheyrðu ekki óskir góðra manna um sólskin til handa World Harmony Vináttuhlaupinu, því hlaupararnir voru vart komnir upp á Ártúnshöfða þegar gerði hellidembu sem fylgdi þeim alla leið til Hveragerðis.

Menn voru nú samt ekkert að kippa sér of mikið upp við það, enda vel kunnugir því að það er allra veðra von á Íslandi.

Hlaupararnir voru samt dálítið þreyttir eftir að hafa barist við rok og rigningu í rúmar 5 klst. og voru því afar fegnir þegar Ungmennafélagið Baldur tók á móti Vináttukyndlinum á Selfossi og hljóp með í 16 km.

Eftir að Baldursmenn höfðu hlaupið með kyndlinum tók Ungmennafélagið Vaka við honum og hljóp að Þjórsá með okkur.

Að því loknu var veður orðið gott og himininn fallegur og áttu hlaupararnir því ekki í nokkrum vandræðum með að bera kyndilinn að Markarfljóti og stunda tilraunastarfsemi í myndatöku á sama tíma.

Það var svo Hótel Hvolsvöllur sem skaut yfir okkur skjólshúsi yfir nóttina og kunnum við þeim bestu þakkir fyrir.

Harmonemail:
You can send a message to the runners or read the messages.