Í dag var lagt upp frá Egilsstöðum og upp á hin miklu Möðrudalsöræfi í gegnum Jökuldalinn.

Neelabha og Bhauliya kvöddu hlaupið um kvöldið og héldu til Reykjavíkur, þaðan sem þær fóru heim til Tékklands og Skotlands morguninn eftir. Hinsvegar mun síðasti dagurinn án efa verða þeim minnisverður, því þær fengu það erfiða en skemmtilega verkefni að hlaupa upp úr Jökuldalnum og upp á öræfin. Þær létu þessa bröttu brekku ekki hræða sig heldur hlupu tvær saman og höfðu gaman af í góðum félagsskap.

Það voru fleiri sem kvöddu í dag, því Steinunn og Ágúst þurftu einnig að fara heim til Reykjavíkur. Þrátt fyrir þessa miklu blóðtöku góðra félaga stóð heildarfjöldi hlaupara í stað, því þau Viktoría, Davíð, Andrés og Upajukta höfðu ýmist komið kvöldið áður eða fyrr um morguninn.

Engu að síður var engu líkara en að veðurguðirnir kenndu í brjósti um okkur, því þeir sendu okkur blíðskaparveður allan daginn og var sérstaklega bjart.

Gist var á glæsilegu gistiheimili í Möðrudal og sofnuðu menn spenntir yfir morgundeginum og glímunni við öræfin!

Harmonemail:
You can send a message to the runners or read the messages.