Vináttuhlaupararnir þurftu að nota varaorkuna í dag, en hlaupnir voru 103 km í gegnum fallegt landslag Húnavatnssýslu.

Vináttuhlaupararnir voru að mestu leyti einir að hlaupi, en þó fengum við verðmæta aðstoð þriggja knattspyrnukappa sem hlupu með okkur í gegnum Blönduós...á takkaskónum! Þeir heita: Kristján Sigurðsson, Sigurður M. Kristjánsson og Snorri Eldjárn.

Önnur góð hvatning var þegar Anna Elísabet, íþróttaþjálfarinn sem reddaði kraftmiklu krökkunum sem hlupu með okkur út úr Sauðárkróki í gær, keyrði fram hjá okkur og hvatti okkur til dáða.

Að öðru leyti voru menn einir í glímu sinni við veginn, fætur sem eru orðnir nokkkuð þreyttir eftir 2 vikur í hlaupi og...sólina, en í dag var eitt besta veður hlaupsins og sólbrunnu menn nokkuð.

Það var því kærkomið að gista í bústað Gangane um nóttina, en hann er búinn öllum helstu tækjum fyrir þreytta hlaupara, heitum potti og gufu, t.d.

Harmonemail:
You can send a message to the runners or read the messages.