Við vorum þeirrar gæfu aðnjótandi að vera hjálpað af tveimur frábærum hópum í dag.

Fyrst mætti okkur Ungmennafélagið Hrafnkell Freysgoði nokkuð utan við Breiðdalsvík og fylgdu okkur út fyrir Kambanes og inn að Stöðvarfirði. Gaman var að sjá hvað fullorðna fólkið í ungmennafélaginu tók virkan þátt í hlaupinu og hvað allir lögðust á eitt, Vináttuhlaupararnir og ungmennafélagsmenn. Í raun má segja að þetta gangi eins og rauður þráður í gegnum Vináttuhlaupið, þ.e. að skapa samhug og einingu. Í þessu tilfelli gekk dæmið fyllilega upp.

Fyrir Ungmennafélagið Hrafnkel Freysgoða hlupu: Hrefna Ingólfsdóttir, Auður Hermannsdóttir, Árný Ingólfsdóttir, Jón Alexander Ríkharðsson, Rannveig Ósk Jónsdóttir, Sólbjört María Jónsdóttir, Eyþór Ingólfsson, Aron Jósep Hrafnkelsson, Helga Hrönn Melsted, Sigurbjörg Ásdís Snjólfsdóttir, Jóhanna Sigurðardóttir, Sigurður Elíasson og Hrafnkell Hannesson. Því miður glataðist hópmynd okkar af Umf. Hrafnkeli Freysgoða og við getum fyrir engan mun munað hvað varð um hana. Við biðjumst velvirðingar á þessum mistökum.

Litlu síðar, eða rétt utan við Stöðvarfjörð, tóku á móti okkur aldeilis vaskir hlauparar frá Ungmennafélaginu Súlunni. Unglingarnir í Súlunni - en þetta voru aðallega unglingar - hlupu svo hratt og svo kraftmikið að það lá við að Vináttuhlaupararnir þyrftu að biðja krakkana um að hlaupa hægar. Samt var þetta síður en svo stutt vegalengd sem krakkarnir í Súlunni hlupu, en okkur telst til að þetta hafi verið a.m.k. 10 kílómetrar, en þau hittu okkur nokkuð fyrir utan bæinn og hlupu með okkur alla leið að Hafnarnesi, að franska spítalanum. Það má einnig geta þess að nokkrir einstaklingar hlupu alla þessa leið án þess að stoppa - sannkallaðir víkingar!

Fyrir Ungmennafélagið Súluna hlupu: Þóranna Snorradóttir, Jónas Ólafsson, Makki Andersson, Arnar Logi Jónasson, Steinunn Pála Guðmundsdóttir, Sindir Brynjar Birgisson, Jón Björgólfsson, Nína Sasithorn Björnsdottir, Alex Þór Björgvinsson, Guðrún Bára Björnsdóttir, Haukur Árni Björgvinsson, Einar Tómas Björnsson, Elísa Marey Sverrisdóttir, Haldór SIndir Sveinsson, Bryngeir Ágúst Margeirsson og Margeir Þór Margeirsson.

Eftir alla þessa hjálp og góða félagsskap voru hinir fáeinu kílómetrar sem eftir voru að Fáskrúðsfirði leikur einn.

Harmonemail:
You can send a message to the runners or read the messages.