World Harmony Vináttuhlaupið hófst með táknrænni opnunarathöfn við Höfða, rétt eins og í fyrra.

Að þessu sinni var Geir H. Haarde, forsætisráðherra mættur til að óska Vináttuhlaupurunum velfarnaðar á leið sinni um landið.

Í ræðu sinni sagði Geir:

"Ég óska ykkur til hamingju með daginn og með þetta hlaup sem nú er að hefjast. Það var smá misræmi í frásögn þinni áðan að forsætisráðherrann ætlaði að hlaupa fyrsta sprettinn. En mér er sönn ánægja að afhenda kyndilinn fyrsta hlauparanum. Ég óska ykkur öllum, sem að þessu standa, velgengni og ánægju af hlaupinu og undirstrika þau gildi sem var minnst á: vinátta, samkennd, einlægni, skilningur og umburðarlyndi."

Að því loknu hófu hlauparar ferð sína hringinn í kring um landið, sem mun taka 1508 km og standa yfir í 18 daga. Hlaupið var sem leið lá út úr Reykjavík og var stefnan tekin á Hellisheiði.

Ekki er hægt að segja að veðrið hafi verið okkur hagstætt, því stuttu eftir að komið var út fyrir borgarmörkin gerði þvílíkt rok að menn muna varla annað eins. Að klífa sumar brekkurnar með vindinn í fangið krafðist því nánast ofurmannlegs framlags, en einhvern veginn hafðist þetta að lokum. Vonandi verður betra veður á morgun, en þá hlaupa fjölmörg ungmenna- og íþróttafélög með okkur. Spáin er hins vegar ekki hagstæð...

---

Distance: 35km

Harmonemail:
You can send a message to the runners or read the messages.

< Ísland 31. ágúst < Norway 30 June

Iceland 14 July > Germany/Czech Republic July 14 > Ísland 14. júlí > Germany/ Czech Republic 14 July >

Iceland 13 July