Núverandi meðlimir alþjóðlega World Harmony Vináttuhlaupsins:

Mark Collinson (Englandi), Marton Fekete (Ungverjalandi), Ondrej Vesely (Tékklandi), Pierre Lantuas Monfouga (Frakklandi), Predrag Knezevic (Serbíu), Víðir Sigurðsson (Íslandi).

Síðla gærkvölds bættust Pedja frá Serbíu og Marton frá Ungverjalandi við alþjóðlega hlaupaliðið í íslenska ævintýrið okkar. Það er okkur mikil ánægja að hafa þá í liðinu, sérstaklega Pedja sem við þekkjum frá því í Serbíu, en hann skipulagði hlaupið þar. Hann hefur alltaf langað til að heimsækja Ísland og þegar við vorum í Serbíu lofaði hann okkur því að koma til liðs við okkur nú.

Við heimsóttum aðra fjóra skóla í Reykjavík og höfðum gaman af eins og alltaf. Skólarnir sem við heimsóttum í dag voru: Korpuskóli, Víkurskóli, Engjaskóli og Foldaskóli. Þessar myndir af börnunum mála þúsund orð sem ég get ekki sjálfur alltaf fundið bestu orðin fyrir:

Börnin hlaupa frjáls, glöð og áhyggjulaus þegar þau hafa kyndilinn við höndina. Svona er þetta um allan heim og okkur finnst að þetta verði upplifun sem börnin muni eftir.

Við vonum að það að taka þátt í World Harmony Vináttuhlaupinu muni hvetja þau til að verða liðsmenn betri heims og hjálpi þeim til að stoppa og, til að byrja með, hugsa um vináttu, sátt og samlyndi innra með sér og síðan að breiða þessar tilfinningar út til annars fólks og út um allt sitt samfélag.

Um miðjan daginn var dagskrá okkar lokið og við heimsóttum miðbæ Reykjavíkur, en þar eru norræn hús í miklum meirihluta.

Einn af algjörum hápunktum dagsins var heimsókn okkar í hið fræga Bláa Lón Íslands.

Þetta er jarðhitað lón, sem er blanda úr sjávar- og ferskvatni og í því vella upp súlfúrríkar lofttegundir. Auk þess er kísilleir lónsins hollur fyrir húðina. Pierre var fyrstur til að þekja andlitið með leirnum!

Við höfðum kyndilinn með okkur inn í lónið og öryggisvörðurinn var fljótur að koma að máli við okkur. Við útskýrðum fyrir honum Vináttuhlaupið og honum fannst dálítið fyndið að við skyldum ætla að hlaupa með kyndilinn í lóninu. Ondrej getur látið okkur gera hvað sem er fyrir góða ljósmynd, en sjáið bara hvað hún tókst vel!

Við höfum ekki upplifað neitt þessu líkt allan þann tíma sem við höfum verið að hlaupa um Evrópu. Landslag Íslands er alveg einstakt, með hraunbreiður sínar og sofandi eldfjöll. Sumsstaðar lítur það út eins og sena úr "The Lost World", eða "The Land That Time Forgot".

En að líta á síðustu liti sumarsins í blómunum minnir á hvaða árstími er og timburhúsin við ströndina minna stöðugt á að það er byggð á þessari eyju.

---

Harmonemail:
You can send a message to the runners or read the messages.

< Iceland 31 August

Iceland 2 September > Ísland 2. september >

Iceland 1 September